శ్రీలక్ష్మీనారాయణకవచమ్
శ్రీగణేశాయ నమః ।
శ్రీభైరవ ఉవాచ ।
అధునా దేవి వక్ష్యామి లక్ష్మీనారాయణస్య తే ।
కవచం మన్త్రగర్భం చ వజ్రపఞ్జరకాఖ్యయా ॥ ౧॥
శ్రీవజ్రపఞ్జరం నామ కవచం పరమాద్భుతమ్ ।
రహస్యం సర్వదేవానాం సాధకానాం విశేషతః ॥ ౨॥
యం ధృత్వా భగవాన్ దేవః ప్రసీదతి పరః పుమాన్ ।
యస్య ధారణమాత్రేణ బ్రహ్మా లోకపితామహః ॥ ౩॥
ఈశ్వరోఽహం శివో భీమో వాసవోఽపి దివస్పతిః ।
సూర్యస్తేజోనిధిర్దేవి చన్ద్రర్మాస్తారకేశ్వరః ॥ ౪॥
వాయుశ్చ బలవాంల్లోకే వరుణో యాదసామ్పతిః ।
కుబేరోఽపి ధనాధ్యక్షో ధర్మరాజో యమః స్మృతః ॥ ౫॥
యం ధృత్వా సహసా విష్ణుః సంహరిష్యతి దానవాన్ ।
జఘాన రావణాదీంశ్చ కిం వక్ష్యేఽహమతః పరమ్ ॥ ౬॥
కవచస్యాస్య సుభగే కథితోఽయం మునిః శివః ।
త్రిష్టుప్ ఛన్దో దేవతా చ లక్ష్మీనారాయణో మతః ॥ ౭॥
రమా బీజం పరా శక్తిస్తారం కీలకమీశ్వరి ।
భోగాపవర్గసిద్ధ్యర్థం వినియోగ ఇతి స్మృతః ॥ ౮॥
ఓం అస్య శ్రీలక్ష్మీనారాయణకవచస్య శివః ఋషిః ,
త్రిష్టుప్ ఛన్దః , శ్రీలక్ష్మీనారాయణ దేవతా ,
శ్రీం బీజం , హ్రీం శక్తిః , ఓం కీలకం ,
భోగాపవర్గసిద్ధ్యర్థే పాఠే వినియోగః ।
అథ ధ్యానమ్ ।
పూర్ణేన్దువదనం పీతవసనం కమలాసనమ్ ।
లక్ష్మ్యా శ్రితం చతుర్బాహుం లక్ష్మీనారాయణం భజే ॥ ౯॥
అథ కవచమ్ ।
ఓం వాసుదేవోఽవతు మే మస్తకం సశిరోరుహమ్ ।
హ్రీం లలాటం సదా పాతు లక్ష్మీవిష్ణుః సమన్తతః ॥ ౧౦॥
హ్సౌః నేత్రేఽవతాల్లక్ష్మీగోవిన్దో జగతాం పతిః ।
హ్రీం నాసాం సర్వదా పాతు లక్ష్మీదామోదరః ప్రభుః ॥ ౧౧॥
శ్రీం ముఖం సతతం పాతు దేవో లక్ష్మీత్రివిక్రమః ।
లక్ష్మీ కణ్ఠం సదా పాతు దేవో లక్ష్మీజనార్దనః ॥ ౧౨॥
నారాయణాయ బాహూ మే పాతు లక్ష్మీగదాగ్రజః ।
నమః పార్శ్వౌ సదా పాతు లక్ష్మీనన్దైకనన్దనః ॥ ౧౩॥
అం ఆం ఇం ఈం పాతు వక్షో ఓం లక్ష్మీత్రిపురేశ్వరః ।
ఉం ఊం ఋం ౠం పాతు కుక్షిం హ్రీం లక్ష్మీగరుడధ్వజః ॥ ౧౪॥
లృం లౄం ఏం ఐం పాతు పృష్ఠం హ్సౌః లక్ష్మీనృసింహకః ।
ఓం ఔం అం అః పాతు నాభిం హ్రీం లక్ష్మీవిష్టరశ్రవః ॥ ౧౫॥
కం ఖం గం ఘం గుదం పాతు శ్రీం లక్ష్మీకైటభాన్తకః ।
చం ఛం జం ఝం పాతు శిశ్ర్నం లక్ష్మీ లక్ష్మీశ్వరః ప్రభుః ॥ ౧౬॥
టం ఠం డం ఢం కటిం పాతు నారాయణాయ నాయకః ।
తం థం దం ధం పాతు చోరూ నమో లక్ష్మీజగత్పతిః ॥ ౧౭॥
పం ఫం బం భం పాతు జానూ ఓం హ్రీం లక్ష్మీచతుర్భుజః ।
యం రం లం వం పాతు జఙ్ఘే హ్సౌః లక్ష్మీగదాధరః ॥ ౧౮॥
శం షం సం హం పాతు గుల్ఫౌ హ్రీం శ్రీం లక్ష్మీరథాఙ్గభృత్ ।
ళం క్షః పాదౌ సదా పాతు మూలం లక్ష్మీసహస్రపాత్ ॥ ౧౯॥
ఙం ఞం ణం నం మం మే పాతు లక్ష్మీశః సకలం వపుః ।
ఇన్ద్రో మాం పూర్వతః పాతు వహ్నిర్వహ్నౌ సదావతు ॥ ౨౦॥
యమో మాం దక్షిణే పాతు నైరృత్యాం నిరృతిశ్చ మామ్ ।
వరుణః పశ్చిమేఽవ్యాన్మాం వాయవ్యేఽవతు మాం మరుత్ ॥ ౨౧॥
ఉత్తరే ధనదః పాయాదైశాన్యామీశ్వరోఽవతు ।
వజ్రశక్తిదణ్డఖడ్గ పాశయష్టిధ్వజాఙ్కితాః ॥ ౨౨॥
సశూలాః సర్వదా పాన్తు దిగీశాః పరమార్థదాః ।
అనన్తః పాత్వధో నిత్యమూర్ధ్వే బ్రహ్మావతాచ్చ మామ్ ॥ ౨౩॥
దశదిక్షు సదా పాతు లక్ష్మీనారాయణః ప్రభుః ।
ప్రభాతే పాతు మాం విష్ణుర్మధ్యాహ్నే వాసుదేవకః ॥ ౨౪॥
దామోదరోఽవతాత్ సాయం నిశాదౌ నరసింహకః ।
సఙ్కర్షణోఽర్ధరాత్రేఽవ్యాత్ ప్రభాతేఽవ్యాత్ త్రివిక్రమః ॥ ౨౫॥
అనిరుద్ధః సర్వకాలం విశ్వక్సేనశ్చ సర్వతః ।
రణే రాజకులే ద్యుతే వివాదే శత్రుసఙ్కటే
ఓం హ్రీం హ్సౌః హ్రీం శ్రీం మూలం లక్ష్మీనారాయణోఽవతు ॥ ౨౬॥
ఓంఓంఓంరణరాజచౌరరిపుతః పాయాచ్చ మాం కేశవః
హ్రీంహ్రీంహ్రీంహహ్హాహ్సౌః హ్సహ్సౌః వహ్నేర్వతాన్మాధవః ।
హ్రీంహ్రీంహ్రీఞ్జలపర్వతాగ్నిభయతః పాయాదనన్తో విభుః
శ్రీంశ్రీంశ్రీంశశశాలలం ప్రతిదినం లక్ష్మీధవః పాతు మామ్ ॥ ౨౭॥
ఇతీదం కవచం దివ్యం వజ్రపఞ్జరకాభిధమ్ ।
లక్ష్మీనారాయణస్యేష్టం చతుర్వర్గఫలప్రదమ్ ॥ ౨౮॥
సర్వసౌభాగ్యనిలయం సర్వసారస్వతప్రదమ్ ।
లక్ష్మీసంవననం తత్వం పరమార్థరసాయనమ్ ॥ ౨౯॥
మన్త్రగర్భం జగత్సారం రహస్యం త్రిదివౌకసామ్ ।
దశవారం పఠేద్రాత్రౌ రతాన్తే వైష్ణవోత్తమః ॥ ౩౦॥
స్వప్నే వరప్రదం పశ్యేల్లక్ష్మీనారాయణం సుధీః ।
త్రిసన్ధ్యం యః పఠేన్నిత్యం కవచం మన్ముఖోదితమ్ ॥ ౩౧॥
స యాతి పరమం ధామ వైష్ణవం వైష్ణవేశ్వరః ।
మహాచీనపదస్థోఽపి యః పఠేదాత్మచిన్తకః ॥ ౩౨॥
ఆనన్దపూరితస్తూర్ణం లభేద్ మోక్షం స సాధకః ।
గన్ధాష్టకేన విలిఖేద్రవౌ భూర్జే జపన్మనుమ్ ॥ ౩౩॥
పీతసూత్రేణ సంవేష్ట్య సౌవర్ణేనాథ వేష్టయేత్ ।
ధారయేద్గుటికాం మూర్ధ్ని లక్ష్మీనారాయణం స్మరన్ ॥ ౩౪॥
రణే రిపున్ విజిత్యాశు కల్యాణీ గృహమావిశేత్ ।
వన్ధ్యా వా కాకవన్ధ్యా వా మృతవత్సా చ యాఙ్గనా ॥ ౩౫॥
సా బధ్నీయాన్ కణ్ఠదేశే లభేత్ పుత్రాంశ్చిరాయుషః ।
గురుపదేశతో ధృత్వా గురుం ధ్యాత్వా మనుం జపన్ ॥ ౩౬॥
వర్ణలక్షపురశ్చర్యా ఫలమాప్నోతి సాధకః ।
బహునోక్తేన కిం దేవి కవచస్యాస్య పార్వతి ॥ ౩౭॥
వినానేన న సిద్ధిః స్యాన్మన్త్రస్యాస్య మహేశ్వరి ।
సర్వాగమరహస్యాఢ్యం తత్వాత్ తత్వం పరాత్ పరమ్ ॥ ౩౮॥
అభక్తాయ న దాతవ్యం కుచైలాయ దురాత్మనే ।
దీక్షితాయ కులీనాయ స్వశిష్యాయ మహాత్మనే ॥ ౩౯॥
మహాచీనపదస్థాయ దాతవ్యం కవచోత్తమమ్ ।
గుహ్యం గోప్యం మహాదేవి లక్ష్మీనారాయణప్రియమ్ ।
వజ్రపఞ్జరకం వర్మ గోపనీయం స్వయోనివత్ ॥ ౪౦॥
॥ ఇతి శ్రీరుద్రయామలే తన్త్రే శ్రీదేవీరహస్యే
లక్ష్మీనారాయణకవచం సమ్పూర్ణమ్ ॥
Note: HTML is not translated!